Minista mwoloote nthini wa muvea wa itheka, uthukumi, waki wa nyumba na maendeeyo ma misyi minene, Alice Wahome niwatavya nzama ya mbunge kana, muvea usu unendaa mbageti ya vakuvi billion miongo ina, nthini wa mwaka uu wa kiilovia, nikana itonye kwailya uthukumi wake ungu wa utuika wa matuku aa.
Wahome ula ei wa katatu kukulwa mookulyo ni kamitii ya mbunge ila yiitongoewe ni spika wa mbunge Moses Wetang’ula kwi umunthi masaa ma muthenya, niwaweta kana utuika uu wa Ardhi Sasa, ula uutumika nthini wa muvea wa itheka, uvaniye kuiya mauvoo ma vata ma itheka undumwe na usesei wa itheka.
